Gold Price सोन्याच्या किमतींनी गेल्या काही दिवसांत विक्रमी उच्चांक गाठला असून, प्रति तोळा 94,000 रुपयांपर्यंत पोहोचला आहे. सततच्या वाढत्या किमतींमुळे सामान्य नागरिकांसाठी सोने खरेदी करणे कठीण झाले आहे, विशेषतः लग्नसराईच्या हंगामात. मात्र, एका अहवालानुसार पुढील काही वर्षांत सोन्याच्या किमतीत मोठी घसरण होण्याची शक्यता वर्तवली जात आहे.
सोन्याच्या किमती 38% ने घसरणार?
अमेरिकेतील प्रसिद्ध फायनान्शियल सर्व्हिसेस फर्म मॉर्निंग स्टारचे तज्ज्ञ जॉन मिल्स यांच्या मते, पुढील पाच वर्षांत सोन्याच्या किमतींमध्ये तब्बल 38% घट होऊ शकते, ज्यामुळे प्रति तोळा 55,000 रुपयांपर्यंत घसरण्याची शक्यता आहे. या दाव्यामुळे जगभरात चर्चेला उधाण आले आहे.
सोन्याच्या किमती Gold Price वाढण्यामागील कारणे
सोन्याच्या किमती वाढण्यामागे काही प्रमुख कारणे आहेत:
- जागतिक अस्थिरता – रशिया-युक्रेन युद्ध, इस्रायल-फलस्तीन संघर्ष, आणि अमेरिकेच्या अस्थिर अर्थव्यवस्थेचा परिणाम
- शेअर मार्केटमधील घसरण – सुरक्षित गुंतवणुकीचा पर्याय म्हणून सोन्याची मागणी वाढली
- वाढती महागाई – डॉलरच्या मूल्यातील चढ-उताराचा परिणाम
- सेंट्रल बँकांची मोठ्या प्रमाणावर खरेदी
सोन्याच्या किमती घसरणार का?
मिल्स यांच्या मते, पुढील काही वर्षांत सोन्याचा पुरवठा झपाट्याने वाढण्याची शक्यता आहे. प्रमुख देश खाणीतून अधिक सोने काढत आहेत, तसेच जुन्या सोन्याचे रीसायकलिंग वाढले आहे. 2024 मध्ये एकूण 4,794 मेट्रिक टन सोन्याचा पुरवठा झाला, जो 2023 च्या तुलनेत 1% अधिक आहे.
तसेच, सेंट्रल बँकांची सोन्याची मागणी कमी होऊ शकते. 2024 मध्ये 1,045 टन सोने खरेदी करण्यात आले, मात्र 71% बँका पुढील वर्षी सोन्याची खरेदी कमी करण्याची शक्यता दर्शवत आहेत. त्यामुळे, दीर्घकालीन दृष्टीने सोन्याच्या किमती Gold Price घसरण्याची शक्यता वर्तवली जात आहे.
इतर विश्लेषकांचे मत काय आहे?
जॉन मिल्स यांच्या दाव्याला काही तज्ज्ञांनी विरोध दर्शवला आहे. बँक ऑफ अमेरिका च्या अहवालानुसार, पुढील दोन वर्षांत सोन्याचा दर 1,00,000 रुपयांपर्यंत जाऊ शकतो, तर गोल्डमन सॅक्स च्या मते 2025 अखेरीस दर 95,000 रुपयांपर्यंत राहू शकतो. त्यामुळे, सोन्याच्या किमती वाढतील की कमी होतील, हे गुंतवणूकदारांसाठी महत्त्वाचे ठरणार आहे.
गेल्या काही वर्षांतील सोन्याच्या किंमतींतील बदल:
- 2019: 39,000 रुपये प्रति तोळा
- 2020: 50,000 रुपये (कोविडमुळे वाढ)
- 2021: 48,000 रुपये
- 2022: 55,000 रुपये
- 2023: 63,000 रुपये
- 2024: 78,000 रुपये
- 2025: 94,000 रुपये (सध्याचा दर Gold Price Today)
सोन्याच्या किंमती येत्या पाच वर्षांत वाढतील की घसरण होईल? तुमच्या प्रतिक्रिया आम्हाला कमेंट करून नक्की सांगा!
