Monsoon News राज्यातील शेतकऱ्यांसाठी आणि नागरिकांसाठी एक दिलासादायक बातमी समोर आली आहे. भारतीय हवामान विभागाने (IMD Weather Update) २०२५च्या मान्सूनसंदर्भात महत्त्वाचा अंदाज जाहीर केला आहे. हवामान विभागाचे महासंचालक डॉ. मृत्युंजय महापात्रा यांनी सांगितले की, यंदा देशात सरासरीपेक्षा जास्त पाऊस पडण्याची शक्यता आहे.

१०३% ते १०५% पर्यंत पावसाचा अंदाज

हवामान विभागाच्या अंदाजानुसार, जून ते सप्टेंबर २०२५ या कालावधीत सरासरीच्या १०३% ते १०५% पर्यंत पाऊस होणार आहे. याचा थेट लाभ देशातील शेतीसह जलस्रोत व्यवस्थापनालाही होणार आहे. विशेष म्हणजे, यंदा मान्सून वेळेआधीच देशात दाखल होण्याची शक्यता असल्याचे संकेत हवामान विभागाने दिले आहेत.

सर्वत्र समान पाऊस नाही

जरी एकूण पावसाचे प्रमाण चांगले असले तरी देशभरात पावसाचे वितरण असमान राहणार असल्याचे निरीक्षण नोंदवण्यात आले आहे. केरळ, आंध्र प्रदेश, तामिळनाडू, बिहार, कर्नाटक, जम्मू-काश्मीर आणि लडाख या राज्यांमध्ये सरासरीपेक्षा कमी पावसाचा अंदाज व्यक्त करण्यात आला आहे.

महाराष्ट्रात चांगला पाऊस होण्याची शक्यता

महाराष्ट्रासाठी मात्र हवामान विभागाने चांगल्या पावसाचा सकारात्मक अंदाज Maharashtra Weather Update वर्तवला आहे. यासोबतच दिल्ली, उत्तर प्रदेश, पंजाब, राजस्थान, मध्य प्रदेश, गुजरात, ओडिशा, छत्तीसगड आणि पश्चिम बंगाल या राज्यांमध्येही समाधानकारक पावसाची शक्यता आहे.

Monsoon News पावसाचा अंदाज

• जून: सरासरीच्या ९६% (कोकण आणि गोव्यात थोडा अधिक पाऊस होण्याची शक्यता)
• जुलै: सरासरीच्या १०२%
• ऑगस्ट: सर्वाधिक म्हणजे १०८%
• सप्टेंबर: सरासरीच्या १०४%

सुरुवातीच्या टप्प्यात पावसात थोडीशी कमतरता असू शकते, मात्र जुलैपासून पावसाचा जोर वाढण्याची शक्यता हवामान विभागाने व्यक्त केली आहे.