RCB vs PSKS Cricket Update शुक्रवारी पावसामुळे अडथळा आलेल्या सामन्यात पराभव पत्करल्यानंतर रॉयल चॅलेंजर्स बंगळुरू (RCB) संघ अवघ्या एका दिवसात पुन्हा एकदा पंजाब किंग्स (PBKS) विरुद्ध खेळण्यासाठी सज्ज झाला आहे. यावेळी मात्र सामन्याचे मैदान पंजाबच्या घरच्या गडावर, म्हणजेच मुल्लांपूर येथे असेल.
RCB ने यंदाच्या हंगामात घराबाहेर सर्व चार सामने जिंकले आहेत आणि त्यांचा आत्मविश्वास उंचावलेला आहे. मात्र पंजाबच्या घरच्या मैदानावरील कामगिरीही चांगली असल्यामुळे RCB साठी आव्हान सोपे नसेल.
भुवनेश्वर आणि हेज़लवुड – PBKS साठी धोका!
PBKS चा टॉप ऑर्डर गोलंदाज भुवनेश्वर कुमार आणि जॉश हेज़लवुड यांच्यासमोर अडचणीत येऊ शकतो. प्रभसिमरन सिंह आणि प्रियांश आर्या हे संघासाठी दमदार सुरुवात करतात, पण ते आता पॉवरप्लेमध्ये अनुभवी गोलंदाजांसमोर उतरतील.
- प्रभसिमरनने भुवनेश्वरविरुद्ध ७ डावांमध्ये केवळ ४६ धावा केल्या असून, तो ४ वेळा बाद झाला आहे.
- श्रेयस अय्यरनेही भुवीविरुद्ध ११ डावांमध्ये केवळ १५ च्या सरासरीने ४५ धावा केल्या आहेत आणि ३ वेळा बाद झाला आहे.
- तसेच हेज़लवुडविरुद्ध श्रेयसचा T20 रेकॉर्डही फिका असून, त्याने ४ डावांत फक्त ४ धावा केल्या आहेत आणि ३ वेळा बाद झाला आहे.
IPL 2025 विराट कोहली अर्धशतकांच्या विक्रमाच्या उंबरठ्यावर
विराट कोहली (Virat Kohli) IPL इतिहासातील सर्वाधिक अर्धशतकांचा विक्रम मोडण्यासाठी केवळ एक अर्धशतक दूर आहे. सध्या तो डेव्हिड वॉर्नरसोबत ६६ अर्धशतकांसह संयुक्तपणे पहिल्या स्थानावर आहे. या हंगामात कोहलीने ७ सामन्यांत २४९ धावा केल्या असून, त्यात ३ अर्धशतके आहेत.
घराबाहेर RCB ची अफाट कामगिरी
RCB च्या घरच्या मैदानावरील (चिन्नास्वामी) कामगिरीमधील कमकुवतपणा लक्षात घेत, ते आता घराबाहेरचे पाचवे विजय मिळवण्यासाठी सज्ज झाले आहेत. दुसरीकडे PBKS चा घरच्या मैदानावरील रेकॉर्ड यंदा सुधारलेला असून, त्यांनी इथे ३ सामन्यांत २ विजय आणि १ पराभव नोंदवला आहे. गेल्या हंगामात मात्र त्यांना याच ठिकाणी ५ पैकी ४ सामने गमवावे लागले होते.
RCB vs PSKS चतुर युज़वेंद्र चहल पुन्हा फॉर्मात
युज़वेंद्र चहल (Yuzvendra Chahal) ने पुन्हा एकदा आपली लय सापडली आहे. मागील दोन सामन्यांत त्याने ६ बळी घेतले आहेत आणि विरोधी फलंदाजांसाठी तो पुन्हा एक मोठा धोका बनला आहे. IPL इतिहासात त्याने ८ वेळा एका डावात ४ विकेट्स घेतल्या आहेत – आणि या विक्रमानं तो सुनील नारायण आणि लसिथ मलिंगा यांच्या बरोबरीने आला आहे.
