Sushant Singh Rajput 14 जून 2020 रोजी मुंबईतील बांद्रा येथील आपल्या घरात अभिनेता सुशांत सिंह राजपूत यांचा मृतदेह आढळला. सुरुवातीला पोलिसांनी ही आत्महत्या असल्याचे सांगितले. मात्र, सुशांतच्या वडिलांनी मुलाच्या हत्येचा संशय व्यक्त केला, आणि देशभरात मोठी खळबळ उडाली. यानंतर हे प्रकरण सीबीआयकडे सोपवण्यात आले. आता सुमारे चार वर्षे सहा महिने तपास केल्यानंतर, सीबीआयने आपला क्लोजर रिपोर्ट सादर केला असून, यात सुशांतची हत्या झाली नसल्याचे स्पष्ट करण्यात आले आहे. तसेच, अभिनेत्री रिया चक्रवर्तीला Rhea Chakraborty या प्रकरणात क्लीन चीट देण्यात आली आहे.

सुशांत सिंह राजपूतच्या मृत्यूचा तपास आणि क्लोजर रिपोर्ट

मुंबई पोलिसांच्या प्राथमिक तपासात सुशांतने आत्महत्या केल्याचे निष्कर्ष निघाले होते. मात्र, त्याच्या कुटुंबीयांना हे मान्य नव्हते. 28 जुलै 2020 रोजी सुशांतच्या वडिलांनी पाटणा पोलिसांकडे तक्रार दाखल केली आणि आपल्या मुलाची हत्या झाल्याचा दावा केला. त्यांनी रिया चक्रवर्ती आणि तिच्या कुटुंबावर गंभीर आरोप केले होते, ज्यामध्ये सुशांतला मानसिक त्रास देऊन आत्महत्येस प्रवृत्त करण्याचा समावेश होता. यानंतर बिहार पोलीस आणि मुंबई पोलीस यांच्यात वाद उफाळला. शेवटी, 19 ऑगस्ट 2020 रोजी सर्वोच्च न्यायालयाने हे प्रकरण सीबीआयकडे सोपवले.

सीबीआयने तपासादरम्यान अनेक संशयितांची चौकशी केली, सुशांतच्या डिजिटल पुराव्यांची तपासणी केली, तसेच अमेरिकेतील तांत्रिक डेटाचा अभ्यास केला. अखेरीस, फॉरेन्सिक अहवालानुसार, सुशांतने आत्महत्या केल्याचे निष्कर्ष निघाले. कोणत्याही कटकारस्थानाचा पुरावा सापडला नाही, असे सीबीआयने स्पष्ट केले. त्यामुळे रिया चक्रवर्तीला Rhea Chakraborty निर्दोष घोषित करण्यात आले आहे.

दिशा सालियन प्रकरण आणि संभाव्य कनेक्शन

सुशांतच्या मृत्यूच्या काही दिवस आधीच, 8 जून 2020 रोजी त्याची मॅनेजर दिशा सालियन Disha Salian हिचा मृत्यू झाला होता. तिच्या कुटुंबानेही हत्येचा संशय व्यक्त केला होता. अलीकडेच दिशाच्या वडिलांनी हायकोर्टात याचिका दाखल करून या प्रकरणाचा पुन्हा तपास करण्याची मागणी केली आहे.

नुकत्याच झालेल्या एका आरोपानुसार, दिशा सालियनच्या मृत्यूच्या सहा दिवसांच्या कालावधीत रिया चक्रवर्ती आणि तत्कालीन मंत्री आदित्य ठाकरे यांच्यात तब्बल 44 वेळा फोनवर संवाद झाला होता. त्यामुळे दोन्ही प्रकरणांमध्ये काहीतरी संबंध असण्याची शक्यता वर्तवली जात आहे. यावर दिशाच्या वडिलांचे वकील निलेश ओझा म्हणाले की, सीबीआयने सुशांत प्रकरणाचा क्लोजर रिपोर्ट दिला असला तरी त्याचा दिशा सालियन प्रकरणावर कोणताही परिणाम होणार नाही.

क्लोजर रिपोर्टचा कायदेशीर अर्थ आणि न्यायालयाचा निर्णय

जेव्हा एखाद्या प्रकरणात तपास यंत्रणांना पुरेसे पुरावे मिळत नाहीत, तेव्हा त्या तपासाचा क्लोजर रिपोर्ट सादर करतात. हा अहवाल सीआरपीसीच्या कलम 169 अंतर्गत दिला जातो. मात्र, हा अंतिम निर्णय नसतो. कोर्ट हा रिपोर्ट स्वीकारायचा की अधिक चौकशीचे आदेश द्यायचे, हा निर्णय घेतो. त्यामुळे रियाला क्लीन चीट मिळाल्याचा अर्थ तिला पूर्णपणे निर्दोष ठरवण्यात आले आहे, असे नाही.

कायदेतज्ज्ञांच्या मते, न्यायालयाला क्लोजर रिपोर्ट स्वीकारण्याची जबरदस्ती नसते. कोर्ट स्वतः साक्षीदार तपासू शकते, तसेच तपास पुन्हा सुरू करण्याचे आदेश देऊ शकते. त्यामुळे सुशांत सिंह राजपूत प्रकरण न्यायालय कोणत्या दिशेने न्याय देते, हे पाहणे महत्त्वाचे ठरणार आहे.

Sushant Singh Rajput सीबीआयच्या निष्कर्षानंतर काय पुढे?

सीबीआयच्या क्लोजर रिपोर्टनंतर सुशांतच्या कुटुंबीय आणि त्यांचे वकील आता पुढे काय भूमिका घेणार, हे पाहणे गरजेचे आहे. जर कुटुंबाने हा रिपोर्ट नाकारला, तर ते न्यायालयात निषेध याचिका दाखल करू शकतात. तसेच, न्यायालयाने तपास अधिक खोलात करण्याचे आदेश दिल्यास, या प्रकरणात पुन्हा नवे ट्विस्ट येऊ शकतात.

सुशांत Sushant Singh Rajput आणि दिशा सालियन Disha Salian यांच्या मृत्यूबाबत अनेक तर्कवितर्क मांडले जात आहेत. जरी सीबीआयने आता क्लोजर रिपोर्ट सादर केला असला, तरीही हे प्रकरण पूर्णतः संपलेले नाही. न्यायालयाच्या पुढील निर्णयावर या दोन्ही प्रकरणांचे भवितव्य अवलंबून असेल.

तुमच्या मते सुशांत आणि दिशा प्रकरणाची चौकशी पुन्हा व्हावी का? कमेंट करून तुमचे मत नक्की कळवा.